ՌԴ գլխավոր դատախազը հանձնարարել է ստուգել ռուսական շուկայից դուրս եկող ընկերությունները

Ռուսաստանի գլխավոր դատախազ Իգոր Կրասնովը հանձնարարել է ուժեղացնել օրենքի հսկողությունը այն ընկերությունների նկատմամբ, որոնք հայտարարել են երկրում գործունեությունը դադարեցնելու մասին։ Այս մասին հայտնում է Интерфакс-ը՝ հղում կատարելով գերատեսչությանը։

Դատախազները «խիստ վերահսկողություն» են սահմանել աշխատանքային օրենսդրության, ներառյալ աշխատանքային պայմանագրերի պայմանների, աշխատավարձերի վճարման կարգի, ինչպես նաև Ռուսաստանի և կապալառուների հանդեպ պարտավորությունների կատարման նկատմամբ։

Կրասնովը հատուկ ուշադրություն է դարձրել «աշխատողների սոցիալապես անպաշտպան խմբերի՝ հաշմանդամություն ունեցող անձանց, հղի կանանց, երիտասարդ (անչափահաս) երեխաներ ունեցողների, նախաթոշակային և կենսաթոշակային տարիքի քաղաքացիների իրավունքների պահպանմանը»,- ասվում է զեկույցում;

Գերատեսչությունը խոստանում է ընկերությունների գործունեության դադարեցման յուրաքանչյուր փաստ գնահատել որպես կեղծ կամ կանխամտածված սնանկություն, որի համար նախատեսված է քրեական պատասխանատվություն։