Լրացուցիչ կառույցների ձևավորման լուրերը կեղծ են․ Արցախի ԱԽ

Արցախի պաշտպանության բանակը, ՌԴ խաղաղապահ զորակազմի հետ համատեղ, իրականացնում է իր վրա դրված խնդիրներն ամբողջ ծավալով։

Նման հայտարարությամբ է հանդես եկել Արցախի անվտանգության խորհուրդը։

Նշենք, որ համացանցում տեղեկություններ են շրջանառվում, որ Արցախի այս կամ այն համայնքներում ստեղծվում են «ինքնապաշտպանական կազմավորումներ»։

«Լրացուցիչ կառույցների ձևավորման վերաբերյալ լուրերը կեղծ են այնքանով, որքանով որ գործնականում նման ջոկատներ ձևավորելու անհրաժեշտություն չկա»,–ասված է հաղորդագրության մեջ։

ԱԽ-ն հորդորում է տուրք չտալ կեղծ լուրերին և հետևել միայն պաշտոնական տեղեկատվությանը։