Մարիուպոլում տասնյակ հազարավոր մարդիկ են զոհվել․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Մարիուպոլում, որը ռուսական զորքերը փորձում են գրավել, պատերազմի ընթացքում տասնյակ հազարավոր մարդիկ են զոհվել։ Այս մասին նա հայտարարել է Հարավային Կորեայի խորհրդարանում ելույթի ժամանակ։

Զելենսկին նաև ասել է, որ Ռուսաստանը տասնյակ հազարավոր զորքեր է կուտակում նոր հարձակման համար։ Խոսքը հավանաբար Դոնբասում ռուսական հարձակման մասին է։

Ռուսական զորքերը մարտի սկզբին սկսեցին Մարիուպոլի պաշարումը։ Արդեն ամսվա կեսերին քաղաքային իշխանությունները հայտնել են, որ այն ավերվել է 80-90 տոկոսով և զոհերի թիվը գնահատել են հազարավոր մարդիկ։

Ապրիլի 7-ին Մարիուպոլի քաղաքապետ Վադիմ Բոյչենկոն հայտնել է, որ քաղաքում առնվազն 5000 մարդ է մահացել։

Մինչ պատերազմը Մարիուպոլի բնակչությունը կազմում էր մոտ 430 հազար մարդ։ Քաղաքապետ Վադիմ Բոյչենկոյի խոսքով՝ ապրիլի սկզբին քաղաքում մնացել է մոտ 100 հազար մարդ։

Աղբյուրը՝ Meduza-ի։

Թարգմանեց՝ Աստղ Խաչատրյանը։