Երևանում չորրորդ օրն անընդմեջ, վաղ առավոտից մեկնարկել են ընդդիմության «Դիմադրություն» շարժման կազմակերպած անհնազանդության ակցիաները, փակ են ճանապարհներ Երևանի տարբեր հատվածներում։
Փակվել են փողոցներ Դավիթաշենում, փակ է եղել Քոչար-Վաղարշյան փողոցների խաչմերուկը, Մոսկովյան, Տերյան փողոցները:
Իրավապահների միջամտությունից հետո կարճ ժամանակում բացվեցին մի շարք փողոցներ: Որոշ հատվածներում քաղաքացիներն ինքնակազմակերպվում ու սեփական նախաձեռնությամբ ազատում են փակված փողոցները, որոշ դեպքերում այդ գործընթացն ուղեկցվում էր վիճաբանությամբ ակցիայի մասնակիցների ու վարորդների միջև:
«Էդ 5 րոպեով, որ փողոցը փակում եք, դրանից հետո 5 ժամ խցանման մեջ ենք մնալու, հետո ո՞նց ենք անցնելու»,-ակցիայի մասնակիցներին հարց էին ուղղում վարորդները:
Հիշեցնենք, անհնազանդության ակցիաներին զուգահեռ, մայիսի 2-ից Երևանի Ֆրանսիայի հրապարակում հանրահավաքներ են իրականացվում։