Al-Jazeera-ն ռեպորտաժում ցուցադրել է սառնարանային մեքենա, որը լցված է Ուկրաինայում սպանված ռուս զինվորների դիերով

Կատարի «Ալ Ջազիրա» հեռուստաալիքը մայիսի 9-ին հրապարակել է մի ռեպորտաժ, որում, ի թիվս այլ բաների, ցուցադրվում է սառնարանային մեքենա, որը, իբր, լցված է Ուկրաինայում զոհված ռուս զինվորների մարմիններով։

Կադրերում երևում են ռուսական բանակում օգտագործվող համազգեստի կտորներ, ինչպես նաև երևում է Ռուսաստանում արտադրված զրահաբաճկոնի պիտակը։

Հեռուստաալիքը պնդում է, որ զոհված զինվորների դիերով վագոնը նկարահանվել է Կիևի մարզում, և խոսքը մնացորդների մասին է, որոնց ռուսական կողմը չի պահանջել։

Ռուսաստանի Դաշնության պաշտպանության նախարարությունը ուկրաինական պատերազմի սկզբից, որը տեւում է ավելի քան երկու ամիս, ընդամենը երկու անգամ է հայտնել ռուսական բանակի կորուստների մասին։ Վերջին անգամ նման բան եղել է մարտի 25-ին, այն ժամանակ ՊՆ-ն հայտնել է, որ զոհվել է 1351 մարդ, վիրավորվել՝ 3825-ը։ Ուկրաինական կողմը վստահեցնում է, որ հակառակորդի մարտական ​​կորուստները, մայիսի 10-ի առավոտյան տվյալներով, կազմում են 25650 մարդ։

BBC-ի ռուսական ծառայությունը մայիսի 6-ին հայտնել է, որ բաց աղբյուրներում տեղեկություն է գտել Ուկրաինայի հետ պատերազմում 2120 ռուս զինվորի մահվան մասին։ Mediazona-ն, որը նաև տվյալներ է հավաքում Ուկրաինայում սպանված ռուս զինվորների մասին, մայիսի 6-ի դրությամբ գնահատել է 2099 կորուստ:

Աղբյուրը՝ Mezuza.io:

Թարգմանեց՝ Աստղ Խաչատրյանը։