«Հայաստան» համահայկական հիմնադրամի ֆինանսավորմամբ՝ Ստեփանակերտի Թումանյան 91 հասցեի նորակառույց թաղամասում մեկնարկել են տարածքի բարեկարգման աշխատանքները։
Այս մասին հայտնում է ԱՀ քաղաքաշինության նախարարությունը։
Կառուցապատման վերջին փուլով նախատեսվում է իրականացնել թաղամասի ներքին և արտաքին հատվածների մայթային ու ճանապարհային հատվածների ասֆալտապատման աշխատանքները։
Ընդհանուր առմամբ կասֆալտապատվի 10․500 քառ․մետր ճանապարհային և 5000 քառ․մետր մայթային հատվածներ։
Ներկայումս կատարվում են բակային տարածքի եզրաքարերի շարման աշխատանքները։
Կառուցապատումն իրականացնում է «Քարավան» ՍՊ ընկերությունը։
