«Երևանի պետական տեխնոլոգիական քոլեջ» ՊՈԱԿ-ի սաները հյուրընկալվել են ՄԻՊ աշխատակազմում
Մարդու իրավունքների պաշտպան Քրիստիննե Գրիգորյանը մայիսի 17-ին հյուրընկալել է «Երևանի պետական տեխնոլոգիական քոլեջ» ՊՈԱԿ-ի սաներին և նրանց հետ զրուցել երեխաների իրավունքների պաշտպանությանն առնչվող մի շարք հարցերի շուրջ։
ՄԻՊ աշխատակազմի հանրային կապերի բաժնից հայտնում են, որ պաշտպանը երեխաներին ներկայացրել է Մարդու իրավունքների պաշտպանի լիազորությունները երեխաների իրավունքների պաշտպանության ոլորտում՝ ընդգծելով իրավունքի խախտումների կանխարգելման և վերականգնման հարցում Երեխայի իրավունքների մասին ՄԱԿ Կոնվենցիոն մանդատով օժտված գործառույթը։
Պաշտպանը նաև անդրադարձել է Մարդու իրավունքների պաշտպանի աշխատակազմ ինքնուրույն դիմելու երեխաների հնարավորությանը՝ հավելելով, որ երեխայի լավագույն շահին միտված որոշումների կայացման գործընթացում առանցքային նշանակություն ունի նրանց հետ չմիջնորդավորված հաղորդակցությունը։
Հաջորդիվ, երեխաներն իրենց հետաքրքրող հարցերի շուրջ զրույց են ունեցել Պաշտպանի հետ։
Մասնավորապես՝ քննարկվել են երեխայի աշխատանքի իրավունքը, բուլինգի հասկացությունը և տեսակները, ինչպես նաև կրթություն ստանալու իրավունքի իրացմանն առնչվող մի շարք հարցեր։
Անդրադարձ է եղել նաև սոցիալական ցանցերում երեխաների ակտիվությանը և նրանց անձնական տվյալների պաշտպանվածությանը, ինչպես նաև կիբերբուլինգի անթույլատրելիությանն ու այլ անձանց նկատմամբ խտրական վերաբերմունքի դրսևորումները բացառելու անհրաժեշտությանը։
Ամփոփելով հանդիպումը՝ Պաշտպան Գրիգորյանը երիտասարդ հյուրերին տեղեկացրել է նաև Պաշտպանին կից երիտասարդական խորհրդի ձևավորման նպատակի մասին՝ հույս հայտնելով, որ նրանք իրենց ակտիվ մասնակցությունը կբերեն խորհրդի աշխատանքների կազմակերպմանը։
Recent Posts
Հայ-իրանական զորավարժությանը կիրառվել են թեթև և ծանր զինատեսակներ
Իրանական Mehr գործակալությունն անդրադարձել է հայ-իրանական երկօրյա համատեղ զորավարժություններին։ «Զորավարժության նպատակն էր նպաստել տարածաշրջանային կայունության…
Կարեն Ասլանյանը եզրափակչում է
Հունահռոմեական ոճի ըմբիշ Կարեն Ասլանյանը (63 կգ) 8։0 հաշվով ժամանակից շուտ հաղթել է ուկրաինացի Անդրեյ…
Քննարկվել են ՀՀ-ՄԹ համագործակցության ընդլայնման հնարավորությունները
Ապրիլի 11-ին Անթալիայի դիվանագիտական ֆորումի շրջանակներում Հայաստանի Հանրապետության ԱԳ նախարար Արարատ Միրզոյանը հանդիպում է ունեցել…
Այսօր կկայանա Պուտինի և Թրամփի հատուկ բանագնացի հանդիպումը. Պեսկով
Ռուսաստանի նախագահ Վլադիմիր Պուտինն այսօր կհանդիպի ԱՄՆ նախագահի հատուկ բանագնաց Սթիվ Ուիթկոֆի հետ, հայտնել է…
Արցախցիներին կոչ ենք անում միասնական ճակատով վերականգնել խախտված իրավունքները․ Շտաբ
Արցախի տեղեկատվական շտաբը հայտարարություն է տարածել․ «Հարգելի՛ հայրենակիցներ, Տարօրինակ զուգադիպությամբ բռնի տեղահանված արցախցիների իրավունքների պաշտպանության…
Ճապոնիայում, Մոլդովայում և Կամբոջայում ՀՀ դեսպաններ են նշանակվել
ՀՀ նախագահի հրամանագրերով Մոլդովայում, Ճապոնիայում և Կամբոջայում Հայաստանի դեսպաններ է նշանակել։ Վիետնամում Հայաստանի դեսպան Սուրեն…