Կարեն Դեմիրճյանի անվան մարզահամերգային համալիրում այսօր՝ 21:00-ին կկայանա բռնցքամարտի Եվրոպայի առաջնության պաշտոնական բացման արարողությունը:
Մարզաձևի տարվա ամենակարևոր ստուգատեսին կմասնակցի 39 երկրի մոտ 250 բռնցքամարտիկ:
Եվրոպայի առաջնության բացման արարողությանը ներկա գտնվելու համար Հայաստան են ժամանել Բռնցքամարտի Եվրոպական Կոնֆեդերացիայի (EUBC) նախագահ Իոաննիս Ֆիլիպատոսը և Բռնցքամարտի միջազգային ֆեդերացիայի (IBA) նախագահ Ումար Կրեմլյովը:
Այսօր ժամը 17:00-ին ANI GRAND հյուրանոցում կկայանա Եվրոպայի առաջնության վիճակահանությունը, իսկ մայիսի 23-ից՝ 14:00-ից սկսած, կմեկնարկեն մենամարտերը:
