Գյումրիում մեկնարկել է «Հայաստան» երգչախմբային մրցույթ-փառատոնը

Գյումրու տեխնոլոգիական կենտրոնի դահլիճում հունիսի 15-ին մեկնարկեց «Հայաստան» երգչախմբային մրցույթ-փառատոնը։

Մեկօրյա փառատոնին մասնակցում  է 8 երգչախումբ՝ ավելի քան 200 երեխա:

Ներկայացնելով փառատոնի կանոնները՝ փառատոնի ղեկավար Լիլիթ Թովմասյանը նշեց, որ յուրաքանչյուր երգչախումբ հանդես է գալու երեք  կատարմամբ: Որպես պարտադիր ստեղծագործություն փառատոնի համար ընտրվել է Էդգար Գյանջումյանի «Պիտի ապրենք» երգը: Գալա-համերգի ավարտին 200 եւ ավելի մասնակիցներ կոմպոզիտորի հետ կերգեն այս ստեղծագործությունը»։ 

«Նախաձեռնության նպատակը երգչախմբային տոն կազմակերպելն է բոլոր այն աշակերտների համար, որոնք իրենց ուսումնական գործընթացից ժամանակ են հատկացնում ու մասնակցում երգչախմբերի դասերին: Նպատակը հենց դա է՝ օրացույցում հենց այդ երեխաների համար մեկ տոնական օր ունենալը, երգչախմբային իրադարձությունը Գյումրի վերադարձնելն ու շարունակականություն ապահովվելը»,- փառատոնի մեկնարկից առաջ հրավիրված ասուլիսում նշեց Գյումրու համայնքապետարանի մշակույթի և երիտասարդության հարցերի բաժնի ղեկավար Լիլիթ Թովմասյանը:

Աղբյուրը՝ Արմենպրես