Երեւանի ավագանին ըմբիշ Մալխաս Ամոյանին մայրաքաղաքում անհատույց օգտագործման բնակարան նվիրաբերեց

Երևանի ավագանու այսօրվա նիստում հաստատվեց ըմբիշ, հունահռոմեական ոճի 2021թ. Աշխարհի և 2022թ. Եվրոպայի մեծահասակների առաջնության ոսկե մեդալակիր Մալխաս Ամոյանին անհատույց օգտագործման բնակարան նվիրաբերվել Երևան քաղաքում:

Նշենք, որ սույն թվականի ապրլին Բուդապեշտում ընթացող ըմբշամարտի Եվրոպայի առաջնությունում հունահռոմեական ոճի 77 կգ քաշային ըմբիշ Մալխաս Ամոյանը հռչակվել է Եվրոպայի չեմպիոն՝ եզրափակիչ գոտեմարտում պարտության մատնելով թուրք ըմբիշ Յունուս Էմրե Բասարին։

Մալխասն ազգությամբ եզդի է, հունահռոմեկան ոճի հայաստանցի ըմբշամարտիկ 72 կգ քաշային կարգում 2021 թվականի աշխարհի չեմպիոն, նույն թվականի Եվրոպայի փոխչեմպիոն, 2020 թվականի Աշխարհի անհատական գավաթի արծաթե դափնեկիր, 72 կգ քաշային կարգում 2019 թվականի երիտասարդների Եվրոպայի առաջնության չեմպիոն, 67 քաշային կարգում 2018 թվականի երիտասարդների աշխարհի առաջնության չեմպիոն, 2017 թվականի երիտասարդների աշխարհի առաջնության փոխչեմպիոն։ 2022 թվականի Եվրոպայի չեմպիոն։ Հայաստանի սպորտի վաստակավոր վարպետ (2021):