Այսօր Ազգային ժողովի արտահերթ նիստին Առողջապահության նախարար Անահիտ Ավանեսյանը ներկայացրեց «Պետական գույքի մասնավորեցման 2017-2020 թվականների ծրագրի մասին» օրենքում լրացում և փոփոխություն կատարելու մասին օրենքի նախագծերը:
Այսպիսով ըստ հիմնավորման՝ նախագծի ընդունումը պայմանավորված է՝ «Վնասվածքաբանության և օրթոպեդիայի գիտական կենտրոն», «Հանրապետական անձավաբուժական կենտրոն» և «Վարդենիսի ստոմատոլոգիական պոլիկլինիկա» ՓԲ ընկերություններին իրենց գործունեության ուղղությունը փոխելու հնարավորություն ընձեռելու և Պետական գույքի մասնավորեցման 2017-2020 թթ. ծրագրից «Նևրոզների կլինիկա» ՓԲԸ ընկերությունը հանելու անհրաժեշտությամբ:
Նախարարը նշեց, որ առաջիկայում ամբողջությամբ վերանորոգելու են «Ավան» հոգեկան առողջության կենտրոնը: «Նևրոզների կլինիկա»-ի գործունեությունն ընդհանուր առմամբ տեղափոխվելու է «Ավան» հոգեկան առողջության կենտրոն: Փորձելու ենք դրա շրջանակներում զարգացնել այս ծառայությունը՝ համապարփակ, մեկ բժշկական կենտրոնի շրջանակներում»,- ասաց Անահիտ Ավանեսյանը և նշեց, որ դրա համար արդեն պետության կողմից հատկացվել են միջոցներ։
Անդրադառնալով հարցին, թե արդյոք միավորման արդյունքում աշխատակիցները չեն մնա առանց աշխատանքի և ինչպես է այդ խնդիրը լուծվելու, նախարարն ասաց, որ բոլոր այն աշխատողները, որոնք կհամապատասխանեն նոր կենտրոնում աշխատելու պայմաններին, կտեղափոխվեն նոր կենտրոն: «Ներկայումս մենք ունենք որակյալ բուժքույրերի, բժիշկների պակաս որոշ ԲԿ-ներում»,- ասաց նա:
Շիրակի մարզպետարանից հայտնում են․ Շիրակի մարզպետ Մուշեղ Մուրադյանն այսօր ներկա է գտնվել Արթիկ համայնքի Սպանդարյան…
Վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել ու գրել․ ««Որտեղ հաց, այնտեղ կաց».…
ՀՀ նախագահ Վահագն Խաչատուրյանի շնորհավորական ուղերձը․ Սիրելի հայրենակիցներ, Շնորհավորում եմ բոլորիս Էրեբունի-Երևանի 2806-ամյա հոբելյանի առթիվ:…
Պատմության մեջ առաջին անգամ Իլոն Մասկի SpaceX-ը հաջողությամբ որսացել է Super Heavy հրթիռը՝ օգտագործելով Mechazilla…
Հայաստանը ստորագրել է Լիբանանում ՄԱԿ-ի ժամանակավոր ուժերին աջակցող համատեղ հայտարարությունը։ Այս մասին X-ի իր էջում հայտնել է…
Հոկտեմբերի 9-ին Աբու Դաբիի առևտրի պալատում կայացել է Հայ-էմիրաթական երկրորդ գործարար համաժողովը, հայտնում են Էկոնոմիկայի…