Լեհաստանը հայտարարել է Եվրոպայի ամենաուժեղ ցամաքային զորքերը ստեղծելու որոշման մասին

Լեհաստանը ձգտում է ՆԱՏՕ-ի երկրների մեջ ստեղծել ամենաուժեղ ցամաքային ուժերը։ Այս մասին Լեհաստանի պաշտպանության նախարար Մարիուշ Բլաշչակը ասել է Sieci շաբաթաթերթին տված հարցազրույցում, որը կհրապարակվի հուլիսի 25-ին, նրա հատվածը մեջբերում է wPolityce-ն։
Լեհաստանի զինված ուժերը պետք է լինեն «այնքան ուժեղ, որ միայն նրա գոյությունից վախենա ագրեսորը», – ասել է Բլաշչակը, ի պատասխան այն հարցին, թե արդյոք Լեհաստանը, գնելով նոր զենք, կարող է պաշտպանվել այնպիսի հարվածից, ինչպիսին Ռուսաստանի Դաշնությունը հասցրեց Ուկրաինային։

Նա ընդգծել է, որ «Կրեմլի կառավարիչները չեն հարձակվելու ուժեղների վրա, այլ հարձակվելու են միայն թույլերի վրա»։

Նախարարը վստահեցրել է, որ Եվրոպայում հրետանու և զրահատեխնիկայի քանակով Լեհաստանին հավասար երկիր չի լինելու։ Նրա կարծիքով՝ երկիրը «առաջնագծում է»։

«Մենք հյուսիսում սահման ունենք Ռուսաստանի հետ»,- պարզաբանել է Բլաշչակը։

Նա նաեւ հայտնել է, որ այս տարի Լեհաստանը կստանա 2018 թվականին ԱՄՆ-ից պատվիրված առաջին Patriot զենիթահրթիռային համակարգերը։

Աղբյուրը՝ gordonua.com