Ռուսաստանն աշխարհում երկրորդ տեղն է զբաղեցրել VPN ծառայությունների ներբեռնման առումով

2022 թվականի մարտ-հուլիս ամիսներին Ռուսաստանը աշխարհում երկրորդ տեղն է զբաղեցրել ինտերնետի արգելափակումը շրջանցելու համար VPN հավելվածների ներբեռնումների քանակով։ Այս մասին գրում է РБК-ն՝ հղում անելով բջջային հավելվածների շուկան վերլուծող AppMagic ծառայության վիճակագրությանը։

Այսպիսով, հուլիսի առաջին երեք շաբաթվա ընթացքում Ռուսաստանում VPN ծառայությունները ներբեռնվել են ավելի քան 12 միլիոն անգամ: 2022 թվականի հունվարին գրանցվել է համապատասխանաբար երկու միլիոն ներբեռնում, այս ցուցանիշով Ռուսաստանը զբաղեցրել է 16-րդ տեղը աշխարհում։

Ըստ Google Trends-ի՝ VPN բառով հարցումների հանրաճանաչության գագաթնակետը գրանցվել է Ռուսաստանում մարտի 13-19-ը, այնուհետև մայիսի 29-ից հունիսի 4-ը և հուլիսի 17-23-ը: VPN-ների մեծ մասը որոնվել է Մոսկվայի և Մոսկվայի շրջանի, Սանկտ Պետերբուրգի, Կալինինգրադի և Յարոսլավլի շրջանների օգտատերերի կողմից:

Հնդկաստանը վերջին վեց ամիսների ընթացքում աշխարհում առաջին տեղն է զբաղեցնում VPN ծառայությունների ներբեռնման առումով։ Բացի այդ, ըստ AppMagic-ի, լավագույն հնգյակում են Պակիստանը, Ինդոնեզիան և ԱՄՆ-ը:

Թարգմանեց՝ Աստղ Խաչատրյանը։