Kraft Heinz-ը վաճառում է ՌԴ-ում մանկական սննդի իր գործարանները

Ամերիկյան Kraft Heinz սննդամթերք արտադրող ընկերությունը կրճատում է իր ներկայությունը ռուսական շուկայում Ուկրաինայի պատերազմի պատճառով, գրում է Коммерсант-ը։

Հրատարակության աղբյուրների համաձայն՝ ընկերությունը վաճառքի է հանել մանկական սննդի իր երկու գործարանները՝ «Հայնց-Գեորգիևսկը» Ստավրոպոլի երկրամասում և Իվանովո մանկական սննդի գործարանը, որոնք միասին արտադրում են տարեկան ավելի քան 30 հազար տոննա արտադրանք։

Բացի այդ, Kraft Heinz-ը պատրաստ է ազատվել երկու տեղական բրենդներից՝ «Умница» և  «Сами с усами»-ից։ Թերթի զրուցակիցները հայտնել են, որ ընկերությունը մանկական սննդի իր ռուսական բիզնեսը գնահատում է 2,5-3 մլրդ ռուբլի։

Բացի մանկական սննդի գործարաններից, Kraft Heinz-ին է պատկանում Ռուսաստանում  «Петропродукт-Отрадное»  ձեռնարկությունը Լենինգրադի մարզում, որտեղ արտադրում է կետչուպ, սոուսներ և պահածոներ: Կոնցեռնը չի վաճառում այս բիզնեսը, ինչը Kraft Heinz-ին բերում է Ռուսաստանում հիմնական եկամուտը, նշում են «Կոմերսանտ»-ի աղբյուրները:

Պաշտոնապես Kraft Heinz-ը չի մեկնաբանել «շուկայական լուրերի» հրապարակումը։

Յեյլի համալսարանի տվյալներով՝ Ուկրաինայում պատերազմի սկզբից ի վեր ավելի քան 1200 արտասահմանյան ընկերություններ արդեն հայտարարել են Ռուսաստանից դուրս գալու կամ երկրում գործունեության սահմանափակման մասին։

Աղբյուրը՝ Meduza.io

Թարգմանեց՝ Աստղ Խաչատրյանը