ՀԴԲ-ն խուզարկել է Թրամփի Մար-ա-Լագոյի տունը

Դաշնային քննիչները առգրավել են փաստաթղթեր Դոնալդ Թրամփի Մար-ա-Լագո հանգստավայրից՝ Ֆլորիդայի Փալմ Բիչում, ըստ գործին ծանոթ երկու աղբյուրների՝ վերջին վկայությունն այն մասին, որ ԱՄՆ արդարադատության դեպարտամենտը կտրուկ սրում է քրեական հետաքննությունը նրա գործերի վերաբերյալ:

Հետաքննությունների դաշնային բյուրոն երկուշաբթի առավոտյան ժամը 9-ի սահմաններում խուզարկություն է կատարել Թրամփի նստավայրում՝ որպես շարունակական հետաքննության մի մաս, որը քննում է նախկին նախագահի՝ անցյալ տարի պաշտոնը լքելուց հետո Սպիտակ տան փաստաթղթերի պոտենցիալ անօրինական հեռացումն ու ոչնչացումը:

Արդարադատության դեպարտամենտի՝ Մար-ա-Լագոն խուզարկելու քայլը՝ Սպիտակ տնից նախագահական գրառումների 15 արկղերի, այդ թվում՝ գաղտնի փաստաթղթերի, ինչպես նաև այլ նյութերի ոչնչացման հետ կապված, հետաքննության կտրուկ սրացում է նշանակում:

«Իմ գեղեցիկ տունը՝ Մար-Ա-Լագոն Փալմ Բիչում, Ֆլորիդա, ներկայումս շրջափակված է, և գրավված է ՀԴԲ-ի գործակալների մի մեծ խմբի կողմից», – ասել է Թրամփը երկուշաբթի երեկոյան հայտարարության մեջ ՝ հավելելով. «Նրանք նույնիսկ կոտրել են իմ սեյֆը»:

Մանրամասները՝ աղբյուրում։