Իրական արվեստը եղել և մնում է անտեսված․ ավարտվել է Gyumri Art Week-ը

Օգոստոսի 16-ին Հայաստանի գեղարվեստի պետական ակադեմիայի Գյումրու մասնաճյուղի բակում ներկայացվել է ակադեմիայի տնօրեն, արվեստագետ Վահագն Ղուկասյանի «Հայելային իրականության ձայները» քանդակային ինստալացիան։

Միջոցառումը կազմակերպվել էր Gyumri Art Week-ը արվեստի միջազգային ծրագրի շրջանակում։ Gyumri Art Week-ը արվեստի տարբեր ծրագրերով է ներկայանում Երեւանում, Գյումրիում եւ Օձունում։

«Երեկ ավարտվեց Gyumri Art Week-ը՝ արվեստային սքանչելի, գունավոր, փառահեղ տոնը Գյումրի գույների քաղաքում, ես էլ 65 կադրով ամփոփեմ այն 65 ժամերը, որ այդ առթիվ անցկացրինք Գյումրիում»: Այս մասին ֆեյսբուքյան իր էջում գրել է «ՀԱՅԵՐ»-ի հիմնադիր, գլխավոր խմբագիր Արայիկ Մանուկյանը։

«Ցավում եմ, որ Gyumri Art Week-ը տեղ չգտավ բոլոր-բոլոր հեռուստաընկերությունների, բոլոր կարգի մեդիաների գլխավոր հարթակներում: Իրական արվեստը եղել և մնում է անտեսված: Իսկապես լաց լինելու է:

Ոչինչ, Գյումրիի բոլոր օտարերկրացիները Art Week-ում էին, հազարավոր լուսանկարներ ու տեսանյութեր են արել, իրենց սոցիալական մեդիաներով կհեղեղեն ու արդեն հեղեղել են:

Մենք բոլոր կարգի մանիպուլյատոր-թափթփուկների, ովքեր «քաղաքական» շարժումներ են անում ավելի լավ ու դեմքով ենք ճանաչում, քան այն մարդկանց, ովքեր ստեղծում են իրական արվեստը:

Իրական հայրենիքն իրենք են, չշփոթեք»,- գրել է Մանուկյանը: