Ռուսաստանը կառաջարկի ընդլայնել ազգային արժույթների օգտագործումը Եվրասիական տնտեսական միության (ԵԱՏՄ) շրջանակներում։ Նման առաջարկություններով բանաձեւի նախագիծ կներկայացվի Եվրասիական միջկառավարական խորհրդի (EMPC) նիստին։ Այն կանցկացվի Ղրղզստանի Չոլպոն-Աթայում օգոստոսի 25-ին և 26-ին։ Այս մասին հայտնում է РБК-ն՝ հղում կատարելով փաստաթղթին։ Հանդիպմանը զեկույցով հանդես կգա տնտեսական զարգացման նախարար Մաքսիմ Ռեշետնիկովը։
Ռեշետնիկովի ներկայացուցչի խոսքով՝ նախարարը կմասնակցի EMPS-ին վարչապետ Միխայիլ Միշուստինի գլխավորած ռուսական պատվիրակության կազմում։
Բանաձեւի նախագծով ԵԱՏՄ երկրների փոխադարձ հաշվարկներում ազգային արժույթների տեսակարար կշիռը 2022 թվականին հասել է 74 տոկոսի։ Դրա մեծ մասն ընկնում է ռուբլու վրա։ Նշվում է, որ ազգային արժույթներով առևտրի աճը կապահովի տնտեսական ինքնիշխանությունը։
Ռուսաստանի Դաշնությունն առաջարկում է ԵԱՏՄ-ում զարգացնել վճարային անկախ ենթակառուցվածք, կազմակերպել առևտուր ազգային արժույթներով և գործարար համայնքին տեղեկացնել նման վճարումների առավելությունների մասին։
Ավելի վաղ ՌԴ փոխարտգործնախարար Ալեքսանդր Պանկինը հայտարարել էր, որ արևմտյան պատժամիջոցների ֆոնին Ռուսաստանի և նրա գործընկերների միջև առևտրատնտեսական և ներդրումային կապերի կայունությունը երաշխավորելու միակ միջոցը դոլարից և եվրոյից հեռանալն է։
Աղբյուրը՝ secretmag.ru
Թարգմանեց՝ Աստղ Խաչատրյանը
Ամփոփվել է ՀՀ բարձր տեխնոլոգիական արդյունաբերության նախարարության կողմից իրականացվող «Ներուժ 5.0» սփյուռքի տեխնոլոգիական ստարտափների ծրագիրը.…
Չինաստանում անօդաչու սարքերի ցուցադրությանը միաժամանակ երկինք է բարձրացել 7598 անօդաչու թռչող սարք՝ սահմանելով նոր համաշխարհային…
Առողջապահության նախարարի տեղակալ Արտակ Ջումայանն աշխատանքային երկօրյա այցով Սյունիքի մարզում է։ Նա հանդիպումներ է ունեցել…
«Հըզբոլլահի» գլխավոր քարտուղար Հասան Նասրալլայի մարմինը դուրս է բերվել ավիահարվածի վայրից, տեղեկացնում է Reuters-ը։ Ըստ աղբյուրի՝…
The Insider-ին հասանելի են դարձել մի շարք պաշտոնական փաստաթղթեր՝ «Բևեռային գայլեր» ուղղիչ գաղութում ռուս ընդդիմադիր գործիչ Ալեքսեյ…
ԱՄՆ նախկին նախագահ, նախագահի թեկնածու Դոնալդ Թրամփը Սպիտակ տան ներկայիս ղեկավար Ջո Բայդենին անվանել է…