Բրիթնի Սփիրսը թողարկել է իր առաջին սինգլը այն պահից ի վեր, երբ ազատվել է խնամակալներից, որոնք վերահսկում էին նրա կյանքի գրեթե բոլոր ոլորտները:

Էլթոն Ջոնի հետ դուետը՝ «Hold Me Closer»-ը թողարկվել է հոսքային կայքերում ուրբաթ օրը՝ նշանավորելով Սփիրսի վերադարձը երաժշտություն վեց տարվա դադարից հետո:

«Անիծյալ լավ է, որ ես երգում եմ մեր ժամանակների ամենաճանաչված տղամարդ երգիչներից մեկի հետ,- ասաց նա թողարկումից առաջ:- Ես մի փոքր ապշած եմ… Սա շատ կարևոր է ինձ համար»:

Երգում հնչում են Էլթոն Ջոնի երեք դասական հիթերը՝ Tiny Dancer, The One և Don’t Go Breaking My Heart, ամառային ակումբային բիթով:

Սփիրսն ու սըր Էլթոնը երգում են միաձայն ամբողջ թրեքի ընթացքում, նրանց ձայները արձագանքում են՝ դժվարացնելով չափել, թե ինչպես է Սփիրսի ձայնը փոխվել այն պահից, երբ մենք վերջին անգամ լսել ենք նրա երգը:

Աղբյուրը՝ bbc.com