Խուզարկվում է Ք․ Սոբչակի տունը

Իրավապահները խուզարկություն են իրականացնում լրագրող Քսենյա Սոբչակի տանը՝ Մոսկվայի մարզի Գորկի-8 տնակային ավանում, հաղորդում է ՏԱՍՍ-ը և 112 հեռագրային ալիքը։

ՏԱՍՍ-ի փոխանցմամբ՝ խուզարկություններն իրականացվում են շորթման գործով, որը հարուցվել է Սոբչակի կոմերցիոն տնօրեն Կիրիլ Սուխանովի դեմ։ Նա ձերբակալվել է հոկտեմբերի 25-ին։

«Ինքը՝ Սոբչակը, ընթացակարգային կարգավիճակ չունի», – ասել է իրավապահ մարմինների ՏԱՍՍ-ի զրուցակիցը։

Varlamov News Telegram ալիքը, որն առաջինն է հայտնել Սուխանովի կալանավորման մասին, հայտնել է, վկայակոչելով անանուն աղբյուրը, որ քրեական գործը, իբր, կապված է Սոբչակի Telegram-ի ալիքների «նեգատիվի արգելափակման» հետ։ Այլ աղբյուրներ դա չեն հաստատել։

Սոբչակը Սուխանովի հետապնդումն անվանել է «լրագրության նկատմամբ հերթական ճնշումը երկրում»։ «Իմ լրագրողներին անընդհատ բերման են ենթարկում։ Այժմ նրանք վերցրել են Կիրիլին և նրա վրա գործ են կարում », – ասաց նա:

Աղբյուրը՝ Meduza.io

Թարգմանեց՝ Աստղ Խաչատրյանը