SIL PLaza․ լավագույն գործարքը Երևան քաղաքի պատմության մեջ․ Վ․ Խաչատուրյան

Գլխավոր դատախազությունը դատական կարգով վիճարկում է Երևանի կենտրոնում գտնվող «Սիլ պլազա» բիզնես կենտրոնի սեփականաշնորհման օրինականությունը։ Հարցի հետ կապված՝ Թիվ 1-ի հարցմանն ի պատասխան հայտնեցին, որ Դատարանում Սիլ պլազան հանդես է գալիս որպես 3 րդ կողմ։

Հարցը վիճարկվում է դատախազության և կադաստրի միջև։ Սեփականաշնորհման գործընթացն իրականացվել է ներկայիս նախագահ Վահագն խաչատուրյանի՝ քաղաքապետ եղած ժամանակ, և վերջինս էլ գործարքը որակել է լավագույններց մեկը Երևան քաղաքի պատմության մեջ։

Այս գործարքով կյանք է ստացել Երևանի սրտում գտնվող կիսավեր մի շինություն, ընդ որում՝ ավերված շենքը դարձել է Երևանի այցեքարտերից մեկը՝ քաղաքի և երկրի համար տնտեսության և ներդրումների առումով ամենածանր ժամանակներում։

Ընդ որում՝ սեփականաշնորհումից հետո մինչ շինարարությունն սկսելը՝ սեփականատիրոջ, այսինքն Սուքիասյան ընտանիքի կողմից հարակից տների բոլոր բնակիչները ապահովվել են բնակարաններով և փոխհատուցմամբ։

Այս դատաքննությունը հնարավորություն կտա վերջապես պարզելու իրականությունը և վերջ կդրվի բոլոր շահարկումներին: