Պյոտր Պավելը հաղթանակ է ապահովել Չեխիայի նախագահական ընտրությունների երկրորդ փուլում։ Այս մասին հայտարարել է չեխական հեռուստաընկերությունը՝ վկայակոչելով ձայների հաշվարկի արդյունքում ստացված ընթացիկ տվյալները։
Երկրի վարչապետ Պյոտր Ֆիալան հաստատել է Պավելի հաղթանակը երկրի նախագահական ընտրություններում։
Նշվում է, որ Պավելի գլխավոր մրցակիցը՝ Անդրեյ Բաբիշը գործնականում ոչ մի հնարավորություն չունի նույնքան ձայներ հավաքելու։
Չեխիայում նախագահական ընտրությունների առաջին փուլն անցկացվել է հունվարի 13-ին և 14-ին․ այդ ժամանակ հաղթողը չէր որոշվել և համապետական քվեարկության երկրորդ փուլ էր նշանակվել։
Հավելենք, որ Չեխիայի նորընտիր նախագահը պաշտոնաթող գեներալ է, ժամանակին եղել է ՆԱՏՕ-ի ռազմական կոմիտեի ղեկավարը։
