Այս պահին անչափ կարևոր է թույլ չտալ, որպեսզի «Մեղրաքար» կոչվող հատվածում բռնկված հրդեհը տարածվի նաև «Խոսրովի անտառ» պետական արգելոցի տարածքով

Հարգելի քաղաքացիներ,
այս պահին անչափ կարևոր է թույլ չտալ, որպեսզի «Մեղրաքար» կոչվող հատվածում բռնկված հրդեհը տարածվի նաև «Խոսրովի անտառ» պետական արգելոցի տարածքով, ուստի Վայրի բնության և մշակութային արժեքների պահպանման հիմնադրամի (FPWC) ռենջերները ցուցաբերում են անհրաժեշտ օգնություն հրդեհաշիջման աշխատանքներում:
Ինչպես հայտնել է ՀՀ ԱԻՆ-ը՝ աշխատանքներն իրականացվում են դժվարամատչելի տարածքում՝ շարժական ուսապարկերի և հրդեհաշիջման գործիքների միջոցով: Այս գործում աշխատանքների արդյունավետ իրականացման համար կարևոր աջակցություն է նաև «Վիվա-Սելլ ՄՏՍ»-ի կողմից նվիրաբերված հրդեհաշիջման մեքենաները:
Վայրի բնության և մշակութային արժեքների պահպանման հիմնադրամը զգոնության կոչ է անում ՀՀ բոլոր քաղաքացիներին՝ լինելու առավելագույնս ուշադիր նման բարձր կարգի հրդեհավտանգ եղանակային պայմաններում:

Foundation for the Preservation of Wildlife and Cultural Assets