Երևանում այս պահին դժվարանցանելի և անանցանելի փողոցներ չկան

Երևան քաղաքում հունվարի 30-ի ցերեկը, հունվարի 31-ին, փետրվարի 1-2-ը ժամանակ առ ժամանակ դադարներով սպասվում է ձյուն և մառախուղ:

Փետրվարի 3-4-ը սպասվում է առանց տեղումների եղանակ: Առավելագույն ջերմաստիճանը շաբաթվա ընթացքում կգրանցվի հունվարի 30-ի և 31-ի, փետրվարի 1-ի և 2-ի ցերեկը՝ 3-5 աստիճան տաքություն: Նվազագույն ջերմաստիճանը շաբաթվա ընթացքում կգրանցվի փետրվարի 3-4-ի գիշերը՝ -7-ից -9 աստիճան:

Այդ մասին Երևանի քաղաքապետարանի գործակարգավարական նիստի ժամանակ տեղեկացրել են Հիդրոմեդ ընկերությունից։

Նշվել է, որ «ԵԱՍՄ» «Կանաչապատում» ՊՈԱԿ-ների տնօրենների ղեկավարությամբ 12 վարչական շրջանների ղեկավարներն են անձամբ հսկել աշխատանքները, իսկ այս պահի դրությամբ մայրաքաղաքում դժվարանցանելի և անանցանելի փողոցներ չկան:   

Երևանի քաղաքապետ Հրաչյա Սարգսյանը վարչական շրջանների ղեկավարներին հորդորել է համատիրությունների հետ աշխատել, որպեսզի բակային տարածքներում խնդիրներ չլինեն: