Տեղի է ունեցել Ուկրաինայի նախագահ Վլադիմիր Զելենսկու և Չեխիայի նորընտիր նախագահ Պյոտր Պավելի միջև հեռախոսազրույցը։
Այդ մասին հայտնել է Ուկրաինայի ղեկավարը և մանրամասնել, որ իր չեխ գործընկերոջ հրավիրել է այցելել Կիև, նաև շնորհակալություն է հայտնել չեխ ժողովրդին Ուկրաինային անվերապահ աջակցելու համար։
Ավելի վաղ, չեխական հեռուստաընկերությանը տված հարցազրույցում Պավելը հանդես է եկել Մոսկվայի դեմ պատժամիջոցների շարունակման օգտին։
Ինչ վերաբերում է ռուս-ուկրաինական պատերազմի հնարավոր ավարտին, Չեխիայի նախագահ ընտրված պաշտոնաթող գեներալը նշել է, որ այդպիսի ժամկետ կարող է լինել 2024 թվականը․
«Քանի որ Ռուսաստանի մոտ սպառվում է ժամանակակից սպառազինությունն ու վերապատրաստված զինվորական անձնակազմը, պատերազմը կարող է ավարտվել 2024 թվականին»։
