Գեղարքունիքի մարզի Ազատ գյուղում տեղակայված զինվորական կացարանում բռնկված հրդեհի հետևանքով այրվածքներ ստացած 3 զինծառայողներն արդեն տեղափոխվել են հիվանդասենյակ։
Այդ մասին տեղեկացրել են ՀՀ առողջապահության նախարարությունից։
Նշվում է, որ նրանց բոլորի վիճակն այս պահին գնահատվում է միջին ծանրության։
Հիշեցնենք, որ հունվարի 19-ին, ժամը 01․30-ի սահմաններում ՀՀ ՊՆ Գեղարքունիքի մարզի Ազատ գյուղում տեղակայված N զորամասի ինժեներասակրավորային վաշտի անձնակազմի համար նախատեսված կացարանում տեղի ունեցած հրդեհի հետևանքով մահացել է 15 ժամկետային զինծառայող։ Այրվածքներ ստացած երեք զինծառայող տեղափոխվել էին հիվանդանոց:
10:26
Օգոստոս 10, 2026
