ԱՄՆ խոշորագույն բանկերից մեկը լքում է Ռուսաստանը

Աշխարհի խոշորագույն ներդրումային բանկերից մեկը՝ ամերիկյան Goldman Sachs-ը, սկսել է վաճառել իր բաժնետոմսերը Ռուսաստանում, գրում է РБК-ն՝ վկայակոչելով ներդրումային շուկայի աղբյուրները։

Ըստ նրանց՝ Goldman Sachs-ի ակտիվները գնում են ամերիկյան բանկի ռուսական «դուստր» դրամատան թոփ-մենեջերները։

Goldman Sachs-ի բաժնետոմսերի մի մասը անցյալ տարի ետ են գնել Goldman Sachs-ի եվրոպական հատուկ իրավիճակների խմբի կառավարող տնօրեն Մաքսիմ Կլիմովը և Ռուսաստանում Goldman Sachs-ի գործադիր տնօրեն Անտոն Շրայդերը, նշում են աղբյուրները։

Ամռանը Ռուսաստանի նախագահ Վլադիմիր Պուտինն արգելել էր օտարերկրյա բանկերին առանց հատուկ թույլտվության վաճառել իրենց դուստր ձեռնարկությունների բաժնետոմսերը: Իսկ հոկտեմբերի 26-ին իշխանությունները հրապարակեցին բանկերի ցուցակը, որոնք ընկել են այս արգելքի տակ։ Դրանում նաև ընդգրկված է Goldman Sachs-ի դուստր ձեռնարկությունը՝ Goldman Sachs Bank-ը:

Այնուամենայնիվ, արգելքը չի տարածվում ակտիվների վաճառքի վրա, ուստի բանկը փաստացի չի խախտել արգելքը։

Ավելի վաղ ամերիկյան մեկ այլ բանկ՝ Citi-ն, նույնպես վաճառել էր Ռուսաստանում իր բաժնետոմսերը։