Պեսկովի անդրադարձը Պուտինի սպառնալիքի մասին Ջոնսոնի խոսքին

Դմիտրի Պեսկովը «սուտ» է անվանել Մեծ Բրիտանիայի նախկին վարչապետ Բորիս Ջոնսոնի խոսքը, թե Պուտինն իրեն սպառնացել է հրթիռներով ուկրաինական պատերազմի սկսվելուց առաջ, «Factor»-ի փոխանցմամբ` գրել է ՌԻԱ Նովոստին։

Պեսկովի խոսքով՝ ՌԴ նախագահը Ջոնսոնի հետ զրույցում նշել է, որ Ուկրաինայի մուտքը ՆԱՏՕ և Ռուսաստանի սահմանների մոտ հրթիռների տեղակայումը «կնշանակեն, որ ցանկացած հրթիռ հաշված րոպեների ընթացքում կհասնի Մոսկվա»։

Հիշեցնենք, որ Ջոնսոնը BBC-ի «Պուտինն ընդդեմ Արևմուտքի» ֆիլմում ասել էր, որ Պուտինի հետ խոսել է ուկրաինական պատերազմի սկսվելուց առաջ։ «Ինչ-որ պահի նա մի տեսակ սպառնաց ինձ և ասաց. «Բորիս, ես չեմ ուզում քեզ ցավեցնել, բայց հրթիռով դրա համար ընդամենը մեկ րոպե կամ մոտավորապես այդքան կպահանջի», – Պուտինի խոսքերն էր մեջբերել Ջոնսոնը:



© factor.am