Կրեմլը հերքում է Մեծ Բրիտանիայի նախկին վարչապետ Բորիս Ջոնսոնի՝ նախագահ Վլադիմիր Պուտինի կողմից հրթիռային հարվածների վերաբերյալ սպառնալիքների մասին հայտարարությունը։ Այս մասին Միացյալ Թագավորության նախկին վարչապետը հայտարարել էր BBC-ի նկարահանած «Պուտինն ընդդեմ Արևմուտքի» վավերագրական ֆիլմում, որի ամբողջական տարբերակը հեռուստաընկերության եթերում հեռարձակվելու է այսօր երեկոյան։
Ըստ Ջոնսոնի՝ ուկրաինական պատերազմից առաջ կայացած հեռախոսազրույցի ընթացքում Պուտինը նշել է. «Բորի՛ս, ես չեմ ցանկանում քեզ ցավ պատճառել, բայց հրթիռներին ընդամենը մեկ րոպե է անհրաժեշտ լինելու»։
«Հրթիռային հարվածներ հասցնելու որևէ սպառնալիք չի հնչել։ Ռուսաստանի նախագահը պարզապես հայտարարել է, որ Ուկրաինայի մուտքը ՆԱՏՕ կնշանակի, որ ցանկացած հրթիռ Մոսկվա կհասնի հաշված րոպեների ընթացքում», – հակադարձել է Կրեմլի խոսնակ Դմիտրի Պեսկովը։
Ամբողջական հոդվածը կարող եք կարդալ այս հասցեով՝ https://www.azatutyun.am/a/32246167.html
