Վրաց-ռուսական սահման տանող ճանապարհով երթևեկությունն արգելված է կցորդիչով և կիսակցորդիչով ավտոտրանսպորտի համար, ասվում է Վրաստանի ավտոճանապարհների վարչության կայքում զետեղված հաղորդագրության մեջ։
Տեղեկությունը տարածել է Sputnik գործակալության վրացական ծառայությունը։
Նշվում է, որ սահմանափակումը մտցվել է Մցխեթ-Ստեփանծմինդա-Լարս միջազգային նշանակության ավտոճանապարհի Մլեթա-Գուդաուրի և Գուդաուրի-Կոբի հատվածներում առատ ձյան, ցածր ջերմաստիճանի և ձնահյուսերի վտանգի պատճառով։
Գերատեսչությունից հավելել են, որ տրանսպորտի մյուս տեսակների համար երթևեկությունն ազատ է։
Հավելենք, որ Մցխեթ-Ստեփանծմինդա-Լարս կենտրոնական ավտոմայրուղին այսօրվա դրությամբ միակ ցամաքային ճանապարհն է, որը Վրաստանը և Հայաստանը կապում Է Ռուսաստանի հետ:
