Զենքի մատակարարմամբ զբաղվող Դավիթ Գալստյանը՝ «Պատրոն Դավոն», ձերբակալվել է։
Այդ մաիսն լրագրողների հետ զրույցում հայտնել է նրա փաստաբան Արմեն Անդրիկյանը՝ չմանրամասնելով, թե ինչ գործի շրջանակում են նրան ձերբակալել:
Գալստյանին կալանավորելու մասին միջնորդություն է ներկայացվել դատարան:
Հիշեցնենք՝ «Պատրոն Դավոն» արդեն իսկ անցնում է քրեական գործով, որն առնչվում է ՀՀ պաշտպանության նախկին նախարար Դավիթ Տոնոյանին ու այլ անձանց: Նա կալանավորվել էր, այնուհետ՝ ազատ արձակվել:
ՀՀ պաշտպանության նախկին նախարար Դավիթ Տոնոյանը և ՀՀ զինված ուժերի կարիքների համար ռազմամթերքի մատակարար կազմակերպության տնօրեն Դավիթ Գալստյանը (Պատրոն Դավո), ըստ ԱԱԾ հաղորդագրության, վերը նշված գործով կասկածվում են ավելի քան 2,2 միլիարդ դրամ հափշտակելու, կեղծիքներ կատարելու համար:
09:58
Մայիս 5, 2026
