ISW-ն պատմել է Պուտինի ծրագրերի մասին

ՌԴ նախագահ Վլադիմիր Պուտինը, հնարավոր է, նախադրյալներ է ստեղծում Ուկրաինայի հյուսիսարևելյան շրջաններում Ռուսաստանի հետագա անդրսահմանային հարձակումների համար՝ փորձելով շարունակել ներքին տեղեկատվական գործողությունները և ուկրաինական բանակին ներքաշել հյուսիսային սահմանային շրջաններ, ասվում է Պատերազմ հետազոտության ինստիտուտի (ISW) նոր զեկույցում:

Փորձագետները հիշեցնում են, որ Պուտինը փետրվարի 1-ին հանդիպում է անցկացրել, որի ընթացքում քննարկվել է Ուկրաինայի կողմից գնդակոծությունից հետո Ղրիմի, Բելգորոդի, Բրյանսկի և Կուրսկի շրջանների ենթակառուցվածքների վերականգնման հարցը։

Նա նշել է, որ գնդակոծությունների դադարեցումը ՌԴ պաշտպանության նախարարության խնդիրն է։

Պուտինի շեշտադրումը սահմանամերձ շրջանների ուկրաինական գնդակոծման վտանգի վրա, հավանաբար, երկակի նպատակի կծառայի, նշվում է զեկույցում։

Ըստ այդմ, նա շարունակում է տեղեկատվական օպերացիան, որի նպատակն է Ուկրաինայում պատերազմը ներկայացնել որպես սպառնալիք Ռուսաստանի քաղաքացիների համար՝ երկարատև պատերազմի համար ներքին աջակցություն ստանալու համար, ինչպես նաև պայմաններ ստեղծել անդրսահմանային գրոհների սրման համար, միաժամանակ՝ շեղել և ցրել ուկրաինական ուժերը՝ դրանք ամրացնելով հյուսիսարևելյան սահմանային շրջաններում։