Ինչպես արդեն հայտնել էինք, «Հայաստան» խմբակցության նախաձեռնությամբ այսօր ԱԺ նիստերի դահլիճում անցկացվում են խորհրդարանական լսումներ՝ Ադրբեջանի կոմից Լաչինի միջանցքը փակելու թեմայով։
«Ազատություն» կուսակցության նախագահ, նախկին վարչապետ Հրանտ Բագրատյանն իր ելույթում անդրադարձել է ՌԴ արտգործնախարար Սերգեյ Լավրովի՝ երեկ հնչեցրած հայտարարությանը, ըստ որի՝ «Հայաստանը երկար տարիներ օկուպացրել էր Ադրբեջանի 7 շրջանները․․․»։
«Ինչու՞ եք նեղանում, վայնասուն եք բարձրացրել, ի՞նչ է ասել Լավրովը, տո՛, շնորհակալություն հայտնեք, որ Լավրովն ասել է 7 շրջան, ոչ թե՝ 12, հըլը կարդացեք, թե Ադրբեջանը ոնց է ոռնում այդ հայտարարության վրա։․․․
ՀՀ-ն ու Ադրբեջանն ասում են՝ Արցախը Ադրբեջան է, ռուս խաղաղապահի մոտ հարց է ծագում՝ ինքն այնտեղ ի՞նչ գործ ունի։ Այսօր Լավրովը հասկացնում է մեզ ևս մեկ անգամ, որ բուն Արցախի տարածքի մասով մենք խնդիր ենք տեսնում, այսինքն՝ չենք տեսնում ամբողջությամբ Ադրբեջանի կազմում»,– ասել է ՀՀ նախկին վարչապետը։
