Շարունակվում է «Հայաստան» խմբակցության նախաձեռնությամբ ԱԺ նիստերի դահլիճում հրավիրված խորհրդարանական լսումները՝ Ադրբեջանի կոմից Լաչինի միջանցքը փակելու թեմայով։
Ելույթով հանդես է եկել Շիրակի մարզի թեմի առաջնորդ տեր արքեպիսկոպոս Միքայել Աջապահյանը, նշելով, որ․
«Մեզ կառավարությունում, ազգային ժողովում անհրաժեշտ են «մահապարտներ»։
Շրջափակելով միջանցքը՝ Ադրբեջանը փորձում է հասնել հայերի վտարմանը Լեռնային Ղարաբաղից, հետևաբար հայ ժողովրդին պահելը պետք է լինի Հայաստանի ռազմավարական առաջնահերթությունը։
Բերձորի միջանցքը միշտ էլ հաղթաթուղթ է եղել Ադրբեջանի ձեռքին և հիմա էլ շարունակում է՝ մեր տկարության, ապիկարության, թուլության, պատճառով։
Մենք տարուբերվում ենք մաքսիմալիզմի և մինիմալիզմի միջև։ Սկսել ենք «Պայքար, պայքար, մինչև վերջ» կարգախոսով, իսկ այսօր հասել ծայրահեղ մինիմալիզմի։ Այսինքն՝ 120 հազարին տանք, որ 29,800 քմ-ի վրա 3 մլն մարդուն փրկենք։
Չպետք է մոռանալ, որ այդ 120․000-ը ՀՀ քաղաքացիներ են և Հայաստանի Հանրապետությունը պարտավորություններ ունի այդ մարդկանց նկատմամբ, ինչպես պարտավորված կլիներ, եթե Սոմալիում 12 հայ շրջափակման մեջ լիներ։ Եթե դա ունեցանք, ապա Լաչինի միջանցքը կբացվի, Արցախն էլ կդառնա Հայաստանի Հանրապետության անբաժան ու անքակտելի մաս»,- ասաց Աջապահյանը։
