Գերմանիայի կառավարությունը պաշտոնապես արտոնեց Leopard 1 տեսակի տանկերի տրամադրումն Ուկրաինային: Այդ մասին հայտնել է կառավարության խոսնակ Շտեֆան Հեբեշտրայտը:

«Կարող եմ հաստատել, որ թույլտվությունը տրվել է, այլ ինֆորմացիա չունեմ»,- ասել է խոսնակը:

Գերմանիայի բանակն այլևս չի օգտագործում Leopard 1 տեսակի տանկեր: Ավելի վաղ մի շարք լրատվամիջոցներ հաղորդել են, որ դրանք արտադրած գերմանական գործարանները պահեստներից կարող են այդ զրահատեխնիկան ուղարկել Ուկրաինա: