Արցախի տեղեկատվական շտաբը ներկայացրել է շրջափակման 54-րդ օրվա տեղեկագիրը փետրվարի 2-ի դրությամբ։ Արցախի տեղեկատվական շտաբի հաղորդագրության մեջ նշված է, որ 7 երեխա գտնվում է մանկական հիվանդանոցի նորածնային և վերակենդանացման բաժանմունքներում: 12 չափահաս բուժառու գտնվում է վերակենդանացման բաժանմունքում, որոնցից 5-ը ծայրահեղ ծանր վիճակում են, 568 քաղաքացի զրկվել է վիրահատվելու միջոցով առողջական խնդիրների լուծման հնարավորությունից։
«Ստեղծված տնտեսական բարդ իրավիճակի պատճառով նախնական առնվազն 5100 մարդ կորցրել է աշխատանքը և եկամտի աղբյուրը»,- նշված է հաղորդագրության մեջ։
Ըստ Արցախի տեղեկատվական շտաբի՝ ավելի քան 21 հազար 200 տոննա կենսական նշանակության ապրանքներ կմակատարարվեին Արցախ, եթե չլիներ շրջափակումը, որի ընթացքում Կարմիր խաչի միջազգային կոմիտեն և ՌԴ խաղաղապահ զորակազմը մատակարարել է դրա միայն չնչին մասը:
