Իսրայելի նախկին վարչապետ Նաֆթալի Բենեթը հայտարարել է, որ Մոսկվայի և Կիևի միջև բանակցությունները խաթարվել են արևմտյան երկրների կողմից։
Բենեթը հանդես է եկել որպես միջնորդ ռուսական և ուկրաինական կողմերի միջև։
«Իմ բոլոր գործողությունները ամենափոքր մանրամասնությամբ համաձայնեցված էին Միացյալ Նահանգների, Գերմանիայի և Ֆրանսիայի հետ… Նրանք ընդհատեցին [Ռուսաստանի Դաշնության և Ուկրաինայի] բանակցությունները», – ասել է Նաֆթալի Բենեթը հարցազրույցում, որը նա հրապարակել է իր յութուբյան ալիքոիմ։
Նրա խոսքով, Արեւմուտքը ինչ-որ պահի որոշել է «ջարդել» ՌԴ նախագահ Վլադիմիր Պուտինին՝ ինչ-որ համաձայնության գալու փոխարեն։
Ավելի վաղ Բենեթը The Jerusalem Post-ին տված հարցազրույցում հիշել էր Պուտինի հետ 2022 թվականի գարնանը տեղի ունեցած զրույցը։
Այնուհետև նա Կրեմլի առաջնորդից հետաքրքրվել է Ուկրաինայի նախագահ Վլադիմիր Զելենսկու ճակատագրի մասին։
Ի պատասխան՝ ՌԴ ղեկավարը խոստացել է, որ ուկրաինացի ղեկավարի կյանքին ոչինչ չի սպառնում և որ ինքը մտադիր չէ սպանել Զելենսկուն։
