Կիպրոսում այսօր՝ փետրվարի 5-ին մեկնարկել են նախագահական ընտրությունները, փոխանցում է AP գործակալությունը։
Ինչպես ցույց են տվել սոցիոլոգիական հարցումները, երեք թեկնածուներից ոչ մեկը չի հավաքի ձայների կեսից ավելին, ինչը խոչընդոտ է առաջին փուլում հստակ հաղթանակ տանելու համար։
Փոխարենը, ամենաշատ ձայներ հավաքած առաջին երկու թեկնածուները, հավանաբար, կանցնեն մեկ շաբաթ անց կայանալիք երկրորդ փուլ:
Թեկնածուներից մեկը Կիպրոսի Դեմոկրատական կուսակցության 61-ամյա ղեկավար Ավերոֆ Նեոֆիտուն է, նախագահի երկրորդ թեկնածուն 63-ամյա Անդրեաս Մարոյանիսն է, ով Կիպրոսի նախկին նախագահ Նիկոս Անաստասիադիսի օրոք եղել է կիպրոսցի թուրքերի հետ գլխավոր բանակցողը։
Կիպրոսի նախագահի երրորդ թեկնածուն 49-ամյա Նիկոս Խրիստոդուլիդեսն է՝ կառավարության նախկին խոսնակն ու արտաքին գործերի նախարարը, ով նախընտրական քարոզարշավի ընթացքում հետեւողականորեն գլխավորել է հասարակական կարծիքի բոլոր հարցումները։
