ՀՀ ԱԳ նախարար Արարատ Միրզոյանը Խորվաթիայի պաշտոնակցի հետ ասուլիսում անդրադարձել է ԵՄ դիտորդական առաքելությանը։ «Կարծում եմ, որ ԵՄ-ն, ինչպեսև ողջ միջազգային հանրությունը շատ լուրջ դեր ունեն խաղալու և՛ Լեռնային Ղարաբաղի իրավունքների ու անվտանգության ապահովման հետագա քննարկման հարցում, և՛ առկա բլոկադայի վերացման հարցում»,- նշել է Միրզոյանը՝ հավելելով․ «Ճանապարհը մեկն է՝ խաղաղ բանակցություններն ու դիվանագիտական ճանապարհը։ Այդտեղ միջազգային հանրությունը և, մասնավորապես, ԵՄ-ն դեր ունեն խաղալու»։
Խորվաթիայի ԱԳ նախարար Գորդան Գրլիչ Ռադմանն էլ շեշտել է, որ ԵՄ առաքելությունը ժամանակվոր է. «ԵՄ առաքելությունը ժամանակավոր գործիք է հետագա կայուն և երկարաժամկետ խաղաղության գործում։ Սա որևէ կերպ ստատուս քվո չի երաշխավորում»,-ասել է նա։
