Պաշտպանության նախարարությունը 70 ֆիզիկական և իրավաբանական անձանց փոխհատուցում կվճարի 2020-ի 44-օրյա պատերազմի ժամանակ նրանց մեքենաներն օգտագործելու համար, որի հետևանքով այդ մեքենաները ոչնչացել կամ վնասվել են։
ՊՆ-ն դիմել է կառավարությանը, և կառավարության պահուստային ֆոնդից ՊՆ-ին այդ փոխհատուցումները վճարելու համար կտրամադրվի 185 մլն 967 հազար դրամ։ 70 տրանսպորտային միջոցից 25-ն ընդհանրապես ոչնչացվել է, 45-ը վնասված վիճակով վերադարձրել են սեփականատերերին։ Այդ մեքենաների սեփականատերերին փոխհատուցման գումարը կվճարվի 2023 թվականի ընթացքում։
