ԱՄՆ-ն` Ռուսաստանում և ԱՊՀ-ում ահաբեկչություններ է իրականացնելու. ՌԴ արտաքին հետախուզություն

ԱՄՆ-ն նախատեսում է իրականացնել զինյալների տեղափոխում Ռուսաստան և ԱՊՀ երկրներ՝ դիվանագետների, պետական ծառայողների, անվտանգության աշխատակիցների և զինվորականների դեմ ահաբեկչություններ իրականացնելու համար։ Այս մասին հայտնում է ՌԴ արտաքին հետախուզության ծառայությունը։

«Արտաքին հետախուզության ծառայությանը ստացվող հավաստի տեղեկությունների համաձայն՝ ԱՄՆ զինվորականները ակտիվորեն զինյալներ են հավաքագրում «Իսլամական պետության» և «Ալ Կաիդա»-ի հետ կապված ջիհադական խմբավորումներից՝ Ռուսաստանում և ԱՊՀ երկրներում ահաբեկչություններ իրականացնելու համար։

Առանձնահատուկ ուշադրություն է դարձվում Ռուսաստանի Հյուսիսային Կովկասից և Կենտրոնական Ասիայից եկած անձանց համագործակցության ներգրավմանը»,- ասվում է Արտաքին հետախուզության ծառայության հայտարարության մեջ, որը մեջբերում է ՌԻԱ «Նովոստի»-ն։

Ծառայության տվյալներով՝ հունվարին դրա համար ընդհանուր առմամբ ընտրվել է 60 զինյալ, որոնք վերապատրաստվում են Սիրիայի Հոմս նահանգում գտնվող միջազգային կոալիցիայի Ալ-Թանֆ ռազմաբազայում։ Նրանք բոլորն էլ Մերձավոր Արևելքում հակամարտությունների մարտական փորձ ունեն։

Ահաբեկիչներին սովորեցնում են ինքնաշեն պայթուցիկ սարքեր պատրաստելու և օգտագործելու հմտություններ և դիվերսիոն գործողությունների մեթոդներ: Նրանց նաև սովորեցնում են հարձակումներ պլանավորել պաշտպանված օբյեկտների, այդ թվում՝ օտարերկրյա դիվանագիտական ներկայացուցչությունների վրա, ասել է ՌԴ արտաքին հետախուզության ծառայությունը:

Թիվ 1