Նոր Զելանդիան ենթարկվել է սաստիկ փոթորիկի հարվածին: Հարյուր հազարավոր բնակիչներ զրկվել են էլեկտրականությունից: Հազարավոր մարդիկ հեղեղումների և սողանքների պատճառով լքել են իրենց տները:
Նոր Զելանդիայում հայտարարվել է արտակարգ դրություն՝ ընդամենը երրորդը երկրի պատմության ընթացքում:
Փոթորիքի անունն է «Գեբրիել»: Դրանից առավելապես տուժել են Նոր Զելանդիայի արևելյան ափը և Հյուսիսային կղզու հյուսիսային հատվածը:
«Այս փոթորիկը՝ «Գեբրիելը», երբևէ Նոր Զելանդիայի պատմության ընթացքում տեղի ունեցած ամենանշանակալից եղանակային երևույթմ է, գրանցվել են հզոր ավերածություններ, երկրին մեծ վնաս է հասցվել»,- ասել է վարչապետ Քրիս Հիփքինսը:
Զոր Զելանսիայի էներգետիկայի նախարար Մեգան Վուդսի փոխանցմամբ, կեսօրին Հյուսիսային կղզում հոսանք չի ունեցել 225 հազար բնակիչ:
Էլեկտրացանցի ազգային օպերատորը զգուշացրել է, որ երկրի մի շարք շրջաններում «հոսանքի մատակարարումը կընդհատվի ոչ թե մի քանի ժամով, այլ մի քանի օրով և գուցե՝ շաբաթով»:
Հեղեղումների հետևանքով խափանվել է մայրաքաղաք Վելինգտոնը երկրի ամենախոշոր քաղաք Օքլենդի հետ կապող ավտոմայրուղու աշխատանքը:
Հեղեղումների և սողանքների պատճառով փրկարարների խմբերը չեն կարողանում հասնել տուժած շրջաններ: Անհետ կորել է մեկ փրկարար, ևս մեկը ծանր վնասվածք է ստացել: Զոհերի մասին տեղեկություններ առայժմ չկան:
Ամբողջական հոդվածը կարող եք կարդալ այս հասցեով՝ azatutyun.am
