Այսօր ԱԺ հերթական նիստում «Պատիվ ունեմ» խմբակցության պատգամավոր Թագուհի Թովմասյանը ԱԱԾ տնօրենի տեղակալ Անդրանիկ Սիմոնյանից հետարքրվեց, թե ինչո՞ւ գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովը նիստ չի անցկացնում։
«Ձևավորման օրվանից հրապարակային մենք ընդամենը տեղյակ ենք, որ մեկ ագամ է նիստ եղել և այդպես էլ հանրությունը չի կարողանում հասկանալ ի՞նչ է անում ԱԱԾ-ն և ի՞նչ արդունքներ ունենք։ Որպես տեղեկություն ասեմ,որ նախորդ տարվա հունվարից դադարեցված է Ադրբեջանի կողմից միակողմանիորեն անհետ կորածների աճյունների որոնման աշխատանքները և ստացվում է, որ մենք այս պահին որևէ քայլ չենք անում։ Խնդրում եմ ամբիոնից հրապարակային հաշվետվություն տվեք, թե ի՞նչ եք անում»,-ասաց Թագուհի Թովմասյանը։
Ի պատասխան ԱԱԾ տնօրենի տեղակալը նշեց, որ մեկ նիստ չի անցկացվել, այլ՝ երեք։ Թագուհի Թովմասյանն էլ նշեց, որ նիստերի մասին պետք է հանրային տեղեկություն տրամադրեն, քանի որ գերիների հարազատների հետ ինքը հաճախակի է հանդիպումներ ունենում և նրանց հարցերին չի կարողանում պատասխանել, որովհետև ԱԱԾ-ն չի տրաամդրում տեղեկություն։
Անդրանիկ Սիմոնյանն էլ նշեց, որ որոշակի խմբերի հետ հանդիպումների կարիք չկա․ «Կարծում եմ՝ պետք չի չարչարվել, որովհետև ամենօրյա ռեժիմով ԱԱԾ տնօրենը, չնայած իր ծանրաբեռնվածությանն, ընդունում է շահառուների խմբերին»։
