Մենք ունենաք իրավիճակ, երբ վերջին 30 տարվա մեջ ամենամոտն ենք, որ հայ-թուրքական հարաբերությունները կարգավորվեն, եթե հակառակ կողմի մղումները իրոք անկեղծ են։ Այս մասին ԱԺ-ում ճեպազրույցի ժամանակ հայտարարեց ԱԺ խոսնակ Ալեն Սիմոնյանը՝ պատասխանելով հարցին՝ հայ-թուրքական հարաբերություններում կա՞ առաջընթաց։
Պատասխանելով հարցին՝ Ռուսաստանն այս պահին մասնակցո՞ւմ է խաղաղության պայմանագրի քննարկումներում, ԱԺ նախագահն ասաց, որ միանշանակ դեր ունի այդ գործընթացներում։
«Միևնույն ժամանակ, մի քիչ ավել եմ համարում այն ջղաձգումները, նյարդային արձագանքները, որոնք նկատվում են Մոսկվայից, երբ որևիցե այլ կողմ փորձում է ինչ-որ դրական բան անել։ Կարծում է, իրենք պետք է մի քիչ ավելի հանգիստ, զսպված լինի և հասկանան, որ ՀՀ-ն իր շահերն ու անվտանգության խնդիրներն ունի, որը պետք է ապահովվի՝ ի հեճուկս որևիցե աշխարհաքաղաքական ելևէջի, կամ որևիցե մեկի խանդի», – նշեց ԱԺ նախագահը:
