ԱԺ հերթաան նիստում քննարկվում է կառավարության հեղինակած՝ «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություն կատարելու մասին նախագիծը։
ՔՊ խմբակցության պատգամավոր Արսեն Թորոսյանը, դիմելով ԱԱԾ փոխտնօրեն Անդրանիկ Սիմոնյանին, հարցրեց․
«Ինչպե՞ս եք երաշխավորելու, որ ատեստավորումն անաչառ ու թափանցիկ է լինելու, ինչպե՞ս եք անաչառությունն ապահովելու, որովհետև արատավոր պրակտիկա կա, որ երբեմն զարտուղի ճանապարհներով են փորձում ատեստավորումն անցնել։ Բարեկամական կապերը շատ են, ծնողն ու երեխան հաճախ նույն տեղում են աշխատում»։
Ի պատասխան Անդրանիկ Սիմոնյանն ասաց․ «Պրոցեսի նկատմամբ լրջության մասին խոսում այն հանգամանքը, որ ատեստավորման մեկ հանձնաժողով է ստեղծվելու, ԱԱԾ տնօրենն է անձամբ գլխավորելու։ Կազմում լինելու են նաև տեղակալները։ Սա լուրջ շեշտադրում է։ Ինչ վերաբերում է գործընթացին, ատեստավորումը լինելու է երկու փուլով՝ թեստավորում և հարցազրույց։ Առաջինում քսան հարց կա։ 17-ին ճիշտ պատասխանելու դեպքում անցնելու են հարցազրույցին։ Որոշ ծառայողների դեպքում կա նաև մարտական-ֆիզիկական պատրաստվածության ստուգարք»։
