Մենք ընտանեկան բռնության զոհերի պաշտպանության մասին ենք խոսում, ոչ թե պատճառների վերացման մասին։ Ազնվորեն պետք է նշենք, որ բռնության պատճառները մեր ավանդույթներն են, մեր մտածելակերպը, մեր պատկերացումները, մեր ադաթները, այդ ադաթների նեգատիվ դրսևորումները։ Այս մասին այսօր ԱԺ-ում «Ընտանիքում բռնության կանխարգելման և ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքում լրացումներ կատարելու մասին նախագիծը քննարկելիս, ասաց ՔՊ-ական պատգամավոր Գուրգեն Արսենյանը։
Պատգամավորը կոչ արեց պատճառները վերացնելու համար ջանքերն ուղղել դաստիարակությանը դպրոցից և մանկապարտեզից, որտեղից պետք է արմատախիլ անեն պատճառները։
