ԱԺ հերթական նիստում «Պատիվ ունեմ» խմբակցության պատգամավոր Թագուհի Թովմասյանը ոլորտային մի շարք նախագծեր զեկուցելու նպատակով խորհրդարան եկած քաղաքաշինության կոմիտեի նախագահ Արմեն Ղուլարյանից հետաքրքրվեց՝ ինչպես են ինքն ու իր հետ փոխկապակցված անձինք կարողացել իրենց անուններով գրանցել ահռելի քանակությամբ ունեցվածք։
Ի պատասխան Արմեն Ղուլարյանը նշեց․
«Մեղմ ասած, սուտ հայտարարություններ հնչեցրեց տիկին Թովմասյանը։ Ուզում եմ տեղեկացնել, որ իմ որդիներն ապրում են հայրական տանս՝ Իջևանում։ Ես ապրում եմ Կոմիտասում՝ երկու սենյականոց բնակարանում։ Անհամար քանակներ չկան, սուտ է։ Հակակոռուպցիոն բոլոր մարմինները կարող են այդ բոլորը նայել, ճշտել։ Ես իմ հայտարարագրերը սահմանված կարգով և ճիշտ ժամանակին ներկայացնում եմ։ Եղբայրս 30 տարի բիզնեսով է զբաղվում՝ օրինական։ Իր ամբողջ գործունեությունը թափանցիկ է։ Ինչ վերաբերվում է Կիրովի այգում, ցավում եմ, որ այնտեղ չեք եղել։ Շատ մաքուր այգի է։ Մի ծառ անգամ չի կտրվել այս ընթացքում։ Շատերն են փորձել այգուն այլ կերպ մոտենալ, բայց ի շնորհիվ իրեն այգին պահպանվել է, այսօր է վերակառուցման աշխատանքներ են»։
Թագուհի Թովմասյանն իր հերթին պնդեց, որ Ղուլարյանի ասածները սուտ են և անհրաժեշտության դեպքում կարող է դիմել դատարան։
