ՊՆ նախկին շենքի բնակիչներն այսօր, հանդիպել են ՀՀ կառավարության անդամերի հետ։
Կառավարությունից վստահեցրել են՝ իրենց հարցին լուծում կտրվի։ Շենքի բնակիչներն ակնկալում էին, որ մինչ այդ լուծումը թույլ կտան իրենց բնակարաններ վերադառնալ, բայց ակնկալիքը չի արդարացվել։
«Կարող էինք պայմանավորվել, որ մինչև մի կետի գանք՝ մնանք մեր բնակարաններում։ Ոչ մեկս շինարարական աշխատանքները չէր շարունակի։ Ոստիկանությունը կարող էր հսկել։ Հիմա ասում են՝ քննարկենք ու պարզ կլինի»,- հայտնում է Արամ Խանզադյանը։ ՊՆ նախկին շենքի վտարված բնակչի խոսքով՝ շենքում 117 բնակարանում բնակիչներ են եղել, բայց 13 ընտանիքի են կացարան առաջարկել․ «ՄԻՊ գրասենյակն էլ գոյություն չունի, փոքրիկները սառում են, հիվանդ են, բայց մեր խնդիրը պետք է ստանա հիմնական լուծում»,- նշում է Արամ Խանզադյանը։
