Երևանի փոխքաղաքապետ Տիգրան Ավինյանը Ֆեյսբուքի իր էջում գրել է.
«Երևանի մետրոպոլիտենում էական փոփոխություններ են տեղի ունենում:
Մեծ ծավալի ներդրոումներ ենք իրականացնում և Աջափնյակի նոր կառուցվող կայարանով չենք սահմանափակվելու. քննարկում ենք նաև «Փեթակ» առևտրի կենտրոնի տարածքում նոր կայարան կառուցելու հնարավորությունը:
Աջափնյակի կայարանի կառուցումից հետո, ամենայն հավանականությամբ, մետրոյի ցանցը կընդլայնվի այդ նույն գծով երկու հնարավոր ուղղությամբ՝ դեպի Դավթաշեն և դեպի Աջափնյակ վարչական շրջանի խորքը:
Աջափնյակի կայարանի կառուցումը՝ կամրջի հետ միասին, տևելու է շուրջ 4 տարի:
Մետրոպոլիտենի զարգացման ծրագրով մենք առաջարկելու ենք ամեն տարի նոր կայարաններ բացելու ուղղությամբ աշխատանքները պահել շարունակական։»
