ԱԺ «Հայաստան» խմբակցությունը շրջանառության մեջ է դրել ՍԴ դատավոր Սեդա Սաֆարյանի լիազորությունները դադարեցնելու հարցով Սահմանադրական դատարան դիմելու մասին նախագիծը։
Ըստ հիմնավորումների՝ ներկայացված փաստերի վերլուծությունը ողջամիտ ենթադրություն է ձևավորում, որ Սահմանադրական դատարանի դատավոր Սեդա Սաֆարյանը խախտել է Սահմանադրական դատարանի դատավորի համար սահմանված անհամատեղելիության պահանջները, որի պայմաններում Ազգային ժողովը լիազորված է դիմելու Սահմանադրական դատարանին՝ անհամատեղելիության պահանջը խախտած դատավորի լիազորությունների դադարեցման վերաբերյալ դիմումով: Ըստ նախագծի՝ Սաֆարյանը ձեռնարկատիրությամբ է զբաղվել, ինչն օրենքով անհամատեղելի է դատավորի կարգավիճակի հետ, և լիազորությունները դադարեցնելու հիմք կարող է լինել։
