Վրաստանում ցույցերը չեն կարող չառաջացնել Մոսկվայի անհանգստությունը, Ռուսաստանի համար կարևոր է, որ սահմանի շրջագծում հանգստություն լինի, ասել է ՌԴ նախագահի մամուլի քարտուղար Դմիտրի Պեսկովը։
«Սա դեռևս մեզ հարևան պետություն է: Եվ չնայած այն հանգամանքին, որ մենք որպես այդպիսին Վրաստանի հետ հարաբերություններ չունենք, այնուամենայնիվ, իհարկե, այնտեղ իրերի վիճակը չի կարող չառաջացնել մեր անհանգստությունը: Իհարկե, մեզ համար կարևոր է, որ մեր սահմանի պարագծում հանգստություն լինի»,- ասել է Պեսկովը՝ պատասխանելով լրագրողների հարցին, թե արդյոք Կրեմլը մտահոգված է Վրաստանում տեղի ունեցող բողոքի ակցիաներով։
Ավելի վաղ խորհրդարանական մեծամասնության մաս կազմող իշխող «Վրացական երազանք» կուսակցությունը և օտարերկրյա գործակալների մասին օրինագիծը նախաձեռնած «Ժողովրդի իշխանություն» կուսակցությունը հայտարարել էին, որ Թբիլիսիում բողոքի ալիք բարձրացրած այս նախագիծը հանվել է խորհրդարանից։
